Таҷлили Рӯзи Президенти Ҷумҳурии Тоҷикистон дар БДА ҶТ “Амонатбонк”
Санаи 16-уми ноябри соли ҷорӣ дар Раёсати Бонки давлатии амонатгузории Ҷумҳурии Тоҷикистон “Амонатбонк” бахшида ба Рӯзи Президенти Ҷумҳурии Тоҷикистон чорабинии тантанавӣ баргузор гардид.
Дар оғози чорабинӣ Раиси Раёсати БДА ҶТ “Амонатбонк” мӯҳтарам Икромӣ С.С. ҳамагонро бо санаи мубораку таърихӣ, Рӯзи Президенти Ҷумҳурии Тоҷикистон табрику таҳният намуда, қайд намуданд, ки бо манзури эҳтирому эътирофи фазилати сиёсатмадориву давлатдории навини кишвар, таъмини сулҳу ваҳдату ягонагии мардуми сарзамин ва болоравии обруву нуфузу мақоми Тоҷикистони соҳибистиқлоли мо дар арсаи байналмилалӣ, ки ин паёмадҳо дар маҷмӯъ, ба салоҳиятнокиву фаъолияти босамари Президенти Ҷумҳурии Тоҷикистон вобастагӣ дорад, дар қонунгузории кишварамон рузи 16 ноябр рузи Президент пазируфта шудааст.
Ҳамзамон меҳмони даъватгардида Президенти Академияи илмҳои Тоҷикистон, доктори илмҳои физикаву математика, профессор муҳтарам Фарҳод Раҳимӣ бо маърӯзаи пурмуҳтаво баромад намуда, иброз доштанд, ки беҳтарин ва муҳимтарин амал баҳри рушди Истиқлолияти кишвар 16-уми ноябри соли 1992 дар Қасри Арбоби шаҳри Хуҷанди бостонӣ баргузор гардидани Иҷлосияи 16-уми Шӯрои Олии Ҷумҳурии Тоҷикистон (даъвати дувоздаҳум) мебошад. Ин иҷлосия ва асноди ҳуқуқии он дар ҳифзи давлатдории миллӣ ва инкишофи ниҳодҳои демократӣ дар Тоҷикистон нақши муайянкунанда бозид. Дар он шабу рӯз роҳбарияти нави Тоҷикистон пас аз омӯзиш ва таҳлили ҳамаҷонибаи вазъият бо мақсади раҳоии кишвар аз бӯҳрони сиёсӣ, иқтисодӣ ва иҷтимоӣ кори мақсадноку самароварро оғоз кард. Дар пеш вазифаҳои гуногунро гузошта буданд, ки яке аз онҳо такмил додани қонунгузории миллӣ ба ҳисоб мерафт. Иҷлосияи 16-ум дар таърихи халқи тоҷик ҳамчун гардиши куллӣ ба сӯи хотима бахшидан ба ҷанги бародаркуш, пойдории миллати тоҷик, шаклдиҳии давлати ҳуқуқбунёд, демократӣ ва дунявӣ дар Точикистон ворид шуд.
Гуфта шуд, ки имрӯзҳо дар арсаи байналмилалӣ Тоҷикистонро ҳамчун як кишвари пешрафта, ташаббускор, созанда ва нигоҳи нек дошта, барои пойдории меҳру муҳаббат, садоқату вафо, баробариву бародарӣ дар руи олам мешиносанд ва эҳтиром менамоянд, ки ин ҳама талошҳои бебозгашти Пешвои миллат барои сарзамини тоҷикон ва миллати баруманди он ба шумор меравад.
Дар охири чорабинӣ ҷавонони фаъоли Бонк дар васфи корнамоиҳои беназири Пешвои муаззами миллат муҳтарам Эмомалӣ Раҳмон суханронӣ намуда, шеърҳои пурмазмун қироат намуданд.
